Ede ti moun ki bezwen al lekol yo

Story

Edikasyon se Kle – Sipò pou 100 timoun nan Gran Ravin

****

Pwojè “Edikasyon se Kle” se yon inisyativ ki vize soutni 100 timoun nan zòn Gran Ravin ki pa gen mwayen pou ale lekòl ak diyite. Nou vle bay yo materyèl eskolè ak òganize atelye pou motive yo ak ankouraje yo kontinye lekòl. Pwojè a bezwen sipò finansye oswa materyèl pou li reyalize.

**Konteks :**

Nan zòn Gran Ravin, anpil timoun al lekòl san sak, san kaye, oswa menm san plim. Gen kèk ki oblije kite lekòl poutèt sa. Nou vle chanje reyalite sa a pou bay timoun sa yo opòtinite pou yo reyisi. Edikasyon se pi gwo zouti nou genyen pou batay kont lamizè.

**Objektif Pwojè a :**

1. Distribye 100 kit eskolè bay timoun ki pi bezwen yo.

2. Òganize atelye sou motivasyon.

3. Sensibilize paran sou enpòtans lekòl.

4. Swiv avansman timoun yo pandan 6 mwa.

**Metòd Travay / Plan Aksyon :**

– Etap 1 : Idantifye timoun yo ak èd lekòl lokal yo.

– Etap 2 : Achte materyèl yo (kaye, plim, sak, elatriye).

– Etap 3 : Fè yon aktivite distribisyon piblik.

– Etap 4 : Òganize atelye ak pwofesè volontè.

– Etap 5 : Swiv timoun yo ansanm ak direktè lekòl yo.

**Rezilta Nou Swete Rive Jwenn :**

– 100 timoun resevwa tout sa yo bezwen pou ale lekòl.

– Timoun yo gen plis motivasyon pou kontinye lekòl.

– Paran yo vin pi enplike nan avni pitit yo.

– Nou kreye plis espwa ak enspirasyon nan kominote a.

**Resous Nou Bezwen :**

– 100 kit eskolè (sòti nan plim rive nan sak)

– Lokal pou fè atelye yo

– Volontè pou ede

– Transpò ak materyèl kominikasyon

**Bidjè Previzyonèl :**

– Kit eskolè pou 100 timoun : 2,000 $US

– Òganizasyon atelye : 500 $US

– Transpò & kominikasyon : 200 $US

– Total : 2,700 $US

**Evalyasyon Pwojè a :**

Nou pral kolabore ak lekòl yo pou swiv timoun yo. Chak 2 mwa, nap prepare rapò. Apre 6 mwa, nap fè yon evalyasyon final sou jan pwojè a mache.

**Kalendriye Pwojè a :**

– fen oktòb 25 : Chwazi timoun yo ak achte materyèl yo

– novanm 2025 : Fè distribisyon ak lanse atelye yo

– Desanm – Janvye  : Suivi regilye

– mas 2026 : Fè evalyasyon final

**Demann Sipò :**

Nou mande sipòte pwojè sa a ak yon finansman 2,700 $US oswa ofri materyèl, transpò, oswa lòt fòm kolaborasyon. Ansanm, nou ka pote chanjman nan lavi timoun sa yo.

**Konklizyon :**

“Edikasyon se kle” se pa sèlman yon pwojè, se yon espwa pou timoun ki merite yon avni miyò. Nou konte sou sipò ou pou reyalize vizyon sa a.